Ah, Canseja! Lyrics

Ah Canseja!, sènpro ùmeđa đe guaẑèra
- ciare nòt che le cuèrđe đe 'n neẑiól
de nèola, sol de le đieşe che 'l spoja,
nuđa nte na cuna cruđa, par quante
foje le cres su foje, rađis a rađis
le se ingàtie, na càpia che no la assa
scanpo se nò co 'n şòl, o par i bus -,
nàser đrento đe ti, quanta fađiga!,
e pi ncora inparar in ògne tènp
a viverte!, o balegarte đescolẑ
sora s'ciaton fassađi đe fenìscol!,
toşeta mea, par quant che te rincure
e bađe, te me sé sènpro forèsta!